Etxea

Etxezuria 1807 urteko eraikina da, sabaia, egurrezko biga sendoez eutsia eta harrizko paretak agerian dituena. Edertasun arkitektonikoaz inguratua dago eta bizitza tradionalarekin harremanetan jartzeko aukera ezinhobea eskaintzen du.

Etxezuria, gure aintzindarien identitatearen islada da, etxekoandreen lan ixilez, bertako artisauen lan txukunez eta garaian garaiko egokitzapenez osatua dagoena. Etxezurian, artisau agoteek landutako altzariak daude. Ezagutzen den bezala, agoteak, harria eta egurra lantzen zuten artisauen kolektibo bat zen. Bozate, Arizkungo auzo bat da, Agoteen erro eta historia guztia biltzen duena. Honen inguruko informazioa Santxotena Parke Museoa bisitatuz edo artikulu hau irakurriz osa dezakezu.

Bozate, Arizkun, Baztan, Nafarroa, bere mendiak zerurantz igo eta beren aintzinatasuna lau haizetara oihukatzen dute. Menditxo apalez, belai berdeez eta arimaren islada diren ibai gardenez.

Nos encontramos en el pueblo de Arizkun uno de los 15 pueblos que conforman el valle de Baztan.

Kokapen estrategikoa dauka, Iruñea, Donostia, Donibane Lohitzune, Donibane Garazi eta Baionatik ordu bat baino gutxiagora. Herriak plaza borobil xarmant bat du, pilotaleku estalia, farmazia, denda txikiak eta ostatuak ditu.

Etxea, herrigunean bera kokatua dago, Klarisen konbentuaren ondoan. Baztango etxe gehienak bezala, ekialdera begira, iduzkiaren lehendabiziko izpiekin iratzartzen da.
Fatxadako leihoak ereki eta Auza mendiaren besarkada sentituko duzu (bailarako bigarren mendi altuena).

Mendemaldetik, atzealdeko balkoitik, Alkurruntz eta Gorramendi ederrak ikus daitezke.

Eta hauen artean Otsondoko lepoan, ilunabar leunak, iparrak bapateko tenperatura jeitsiera dakarrela sentituko duzu.